Оваа недела, новата реколта на репка започна да се тргува на европскиот пазар со значителен плус од 11 евра, достигнувајќи 515 евра по тон. Во исто време, сигналите за цени од меѓународните пазари нагло растат, пренесува Agrarheute.
Извозните цени во Украина, најважниот снабдувач на европскиот пазар, пораснаа за 100 евра за две недели. Црното маслодајно семе беше натоварено на пристаништата за извоз на Црно Море по рекордно висока цена од 632 американски долари (околу 517 евра по тон).
На германското извозно и големопродажно пристаниште Хамбург, минатиот петок репката беше котирана по 560 евра за тон. Слични цени се пријавени од каналите Мителанд (Швајцарија) и Манхајм (Германија). Очекувањата се дека цените таму ќе се зголемат уште повеќе, пишува германското издание.
Кои се причините за ова?
Според аналитичарите, збир на фактори доведува до брз пораст на цените на репка, но главната причина е глобалниот недостиг на семе од репка во овој период од годината.
Сегашната состојба е таква што нема повеќе залихи. По лошата реколта минатата година и бумот во извозот во првата половина на сезоната, светскиот пазар и магацините беа расчистени.
Според проценките на USDA, глобалните залихи на семе од репка се преполовија за само две години. Исто така, постојат предвидувања за уште една слаба берба на репка во Европа, а можеби и во Канада.
Извор: agri.bg
