Познатата пејачка Ивана Банфиќ зад себе има турбулентно минато, а денес многу ретко се појавува во јавноста, но и во медиумите. Се чини дека од корен го сменила својот живот, се посветила на природата, на собирање чаеви, а како што изгледа од нејзините објави, често знае да се фати и за мотиката.
Во една прилика, низ насмевка открила дека поседува и пластеник.
-За викендов се изнаработев, пластеникот и градината се подготвени за нови плодови, за оваа година. Најдобро се чувствувам во природата, кога сум во контакт со земјата и имам црно под ноктите, црно „француско“, без шминка, без потпетици, сето тоа завиткано во кал, имам чувство дека тогаш правиме нешто како што треба…
Да потсетиме дека регионот најмногу ја памети по нејзиниот дует со познатиот Дино Мерлин „Години“.
