Копривата наоѓа се поголема примена во органското производство. Може да се користи како ѓубриво или како инсектицид.
Ѓубриво од коприва
Чајот од коприва се користи како течно азотно ѓубриво и има многу позитивно влијание за одгледување на растенијата, така што им го поттикнува растот, создавањето на хлорофил, ја зајакнува отпорноста на растението кон стресните услови, како и кон болести и штетници.
Ѓубривото се прави така што стеблото и листот коприва се сечкаат, се ставаат во дрвен или пластичен сад и се налеваат со вода, но не до врвот (затоа што смесата се запенува). Добро е водата за полевање да биде дождовница, но ако нема услови за тоа, може да се користи и отстоена вода. Садот се става да стои на сонце, а смесата се меша најмалку еднаш дневно. Ѓубривото е готово после 15 дена кога ќе добие темна боја и нема повеќе да се запенува.
Ѓубривото може да се користи за залевање на земјиштето околу растението или фолијарно. Ако се користи за залевање се разредува со вода во однос 1:10, а ако се користи фолијарно, пред употреба мора да се процеди и да се разреди со вода во однос 1:10 до 1:25.
Инсектицид од коприва
Копривата може да се користи и како инсектицид и тоа во вид на чај или екстракт.
Чајот се подготвува така што се сече 1 кг коприва и 1 кг пелин, се прелева со 8 л зовриена вода, се остава да стои најмалку половина час. После тоа се процедува, се лади и може да се користи за прскање на заболените растенија.
Екстракт од коприва
Екстрактот од коприва може да се користи за прскање против лисни вошки. Се прави така што 1 кг исечкана коприва, стебло и лист, без семе, се прелева со 9 литри вода по можност дождовница, се остава да стои 24 часа со повремено мешање.
Пред употреба екстрактот се процедува и без разблажување може да се користи за прскање на заразените растенија.
Извор: agrosavjet.com
