Заедно со директорот на Државниот инспекторат за земјоделство, Зоран Шапуриќ, денеска во Прилеп оддржав средба со Сојузот на тутунарски здруженија, на која присуствуваа и дел од откупувачите на тутун. На средбата разговаравме за откупот на реколтата 2020 година и изнаоѓање на решенија со кои ќе ги надминеме проблемите од годинава, воочи престојната сезона.
Тутунопроизводителите изразија загриженост околу откупот на вишокот на тутун, како и ставови на сојузот околу разгледување на предлог правилникот за откуп на тутун и склучувањето на договори со откупните претпријатија за наредната реколта. На денешната средба ги известив тутунарите дека после средбата со министерот за земјоделство на Република Турција, Бекир Пакдемирли, се отвори можност за пласман на тутунот во оваа пријателска земја, со што би се решил откупот на вишокот на тутун оваа година. Секако во исто време продолжуваат разговорите со откупните фирми за откуп на преостанатите количини на тутун.Истовремено ги охрабрив тутунопроизводителите и откупувачите, преку заеднички средби и разговори да дојдат до оптимални решенија пред новата сезона. МЗШВ ќе учествува во изготвувањето на сите законски предуслови за една успешна сезона во производството на една стратешка култура, како што е тутунот.
Фејсбук статус на Арјанит Хоџа – министер за земјоделство, шумарство и водостопанство
