Етно или руралниот туризам има исклучително големо значење за една држава, бидејќи придонесува за зголемување на приходите на руралните домаќинства, а се подобрува и туристичката понуда. Со развојот на туризмот, целиот економски систем се развива, но исто така тој придонесува и за заживување на заборавената народна култура.
Основните карактеристики на еден народот, културата, наследството, националната кујна и активности се најблиску до туристите преку руралениот или етно туризамот.
Србија, руралниот туризмот до третира како приоритетен сектор, особено ако се земат предвид понудата на здрава животна средина, еколошката храна, пријатниот амбиент, активниот одмор во природа или културно-историските вредности. Етно селата во Србија се претежно опкружени со недопрена природа и споменици на културата, додека внатрешноста на етно објектите е опремена со предмети што биле користени некогаш
Туризмот генерално се класифицира како гранка која на наједноставен и најефикасен начин влијае на пополнување на државниот буџет, а со тоа претставува категорија што влијае на економскиот развој преку различни канали (вработување, економија).
Меѓутоа, за да може земја како Србија, соодветно да профитира од туризмот, потребно е континуирано да се инвестира во отворање и опремување на нови туристички капацитети, квалификувана работна сила и што е најважно, во инфраструктурата.
На прашањето зошто руралниот туризам има предност пред другите, анкетираните посетители главно ставаат акцент на чистиот воздух, одличната храна и мирот што градот не може да го обезбеди. Интересен е фактот што родителите сакаат да ги запознаат своите деца со домашната култура и историја, повеќе од која било светска метропола.
Постојат бројни причини зошто се повеќе домашни и странски туристи прибегнуваат кон ваков вид одмор. Цените на престојот во етно селата се пониски од цените што туристите ги плаќаат за престој во хотел. Исто така, се повеќе спортисти организираат подготовки за следните сезони надвор од градот, на вакви места.
Во Србија исто така се во последно време се забележува и формирање на организации кои им овозможуваат на домашните и странските туристи можност да ја запознаат Србија, менталитетот на жителите и начинот на живот на поинаков начин. За работа од шест часа на ден, што вклучува и работа на фарма, домаќините нудат три оброци и сместување.
Меѓу посетителите на српските села и етно домаќинствата, повеќето се млади брачни парови со деца (околу 60%) и оние кои биле на пат кон морето.
Извор: Агромедија
