Одамна е познато дека светлината ја менува хемиската структура на виното но, колку што е познато, до сега никој не се осмелил да направи, да експериментира или да продава, вино кое било направено во тотален мрак.
Словенската винска куќа „Радгонске Горице“ неодамана го претстави својот крајно несекојдневен проект „Untouched by Light“, што всушност претставува пенливо вино направено под мотото дека „најдобрите работи се случуваат ноќе“.
Ова пенливо вино шардоне, е направено од грозје кое е берено исклучиво во ноќните часови, созрева во подрум без каков и да е извор на светлина и се продава во посебно заштитени шишиња низ кои не допира ниту еден фотон на светлина.
Словенечките винари велат дека основа за нивниот експеримент е истражувањето направено во 1989 година, од страна на En C. Noubl, научничка која го проучувала дејството на светлината врз пенливите вина и дошла до заклучок дека ултравиолетовата светлина ги уништува аромите на овошјето и создава несакани ароматични ноти во виното.
– „Виното „Untouched by Light“ се прави од избрани гроздови шардоне и се ферментира во шише. Она што ова вино го прави единствено е процесот на созревање. Тоа созрева две до три години во пештерите Радгоне во Словенија, без никаков допир со надворешниот свет и под целосно отсуство на светлина. Ние тоа го нарекуваме „вино направено во темнина“. Во текот на бербата, при вртењето на шишињата и пакувањето на виното користиме инфрацрвени наочари за ноќно гледање. Кога виното ќе излезе од пештерата, го флашираме во црни, непровидни шишиња пакувани во вакумски запечатени црни кеси кои спречуваат допир на светлина и воздух. Препорачуваме виното да се дегустира во добро друштво и во целосна темнина“, – вели извршниот директор на винаријата „Радгонска Горица“, Борут Цветковиќ.
Од примарната берба во 2016, направени се 2.000 шишиња вино, а производителите се надеваат дека овој број од наредната берба ќе се порасне на 3.000. Првите шишиња од ова необично вино ќе бидат пуштени во продажба идната година.
Извор: Вино и фино
