Европските лешници се едни од главните култури кои имаат ваков тип на плодови и петта во светот по важност после индиските ореви, бадемите, кикириките и костените. Турција долги години е водечки производител на лешници со дури 71% учество во светското производство. Веднаш по неа следат Италија, САД и Шпанија, Азербејџан, Иран, Грузија, Кина, Франција и Грција.
Постојат многу сорти на лешници, а меѓу нив една посебно се издвојува. Тоа е сортата „Tonda di Giffoni“ која во последно време е особено ценета.
„Tonda di Giffoni“ е една од најценетите сорти на италијански лешник во прехрамбената индустрија, а поради овалните плодови и извонредниот квалитет на обработка има ознака за заштитено географско потекло од страна на Европската унија.
Во Италија дури 69.685 хектари се насадени со лешници, со просек на годишно производство од 121.750 тони лешници во лушпа. Четири региони, сочинуваат 98% од националното производство: Кампанија, Лацио, Пијемонт и Сицилија, а Кампанија произведува околу една третина од националното производство.
Други сорти на лешници кои преовладуваат и се користат во индустријата за храна се „Mortarella“ (38%) и „San Giovanni“ (37%), заедно со „Tonda di Giffoni“ (12%), чие производство е ограничено на провинцијата Салерно во Јужна Италија. Меѓутоа „Tonda di Giffoni“ е една од најценетите италиајнски сорти која се користи во прехрамбената индустрија, поради својот квалитет при обработката.
Основните карактеристики на оваа сорта се одличниот изглед на зрното, високиот квалитет, постојаниот принос и отпорноста на патогени и штетници.
Сортата „Tonda di Giffoni“ е отпорна на студ и може да се режи во форма на дрво или како џиновска грмушка. Станува збор за сорта која рано цвета, со среден период на созревање, висока бујност и одлична способност на отстранување на покожичката.
Дури 90% од родот на лешници во целиот свет се лупи и се продава во зрно за прехрамбената индустрија, додека преостанатите 10% се продаваат за свежа консумација.
Лешникот се консумира во сирова состојба, бланширан или пржен. Исто така, се преработува за употреба во млечните производи, пекарството, во чоколадите и други кондиторски производи.
Станува збор за дар на природата, кој е многу здрав и благотворно делува на човечкиот организам.
Лешник содржи незаситени масни киселини кои се неопходни за човековото здравје. Тие го намалуваат нивото на хоелстерол во крвта и ги контролираат несаканите ефекти на хипертензија.
Исто така богати се со атокоферол кој го намалува ризикот од одредени хронични болести, како што се болести на срце, дијабетес тип 2, хипертензија, карцином, а може да се бори и против одредени негативни ефекти поврзани со стареењето.
Извор: Agromedia
