Европската унија ја укина царината за увоз на пченка, земајќи ја во предвид зголемената цена на оваа житарица во Соединетите Американски Држави, откако нивното Министерство за земјоделство извести дека оваа година родот поради сушното време но и поради широко распространетите штети од невремето во клучниот американски растечки регион ќе биде помал отколку минатата сезона, наведува Ројтерс.
– „Ревидираната тарифа се пресметува врз основа на разликата помеѓу европската референтна цена и светските референтни вредности за пченка (т.е Американска CIF цена – вклучувајќи ги трошоците за осигурување и товар во пристаништето Ротердам)“, појаснуваат од Комисијата.
Новата царина со вредност нула, стапи на сила на 27 август, а ќе се применува и за увоз на`рж .
Да потсетиме, оваа тарифа беше ажурирана неколку пати во текот на изминативе месеци, почнувајќи од крајот на април, поради значајниот пад на американската цена на пченката CIF и воглавно како резултат на колапсот за побарувачката на биоетанол во САД.
Извор: Агроклуб
