Во Италија цената на оваа основна намирница се зголемува дури 15 пати, почнувајќи од цената на пченицата па до цената на лебот и е меѓу највисоките во ЕУ. Повисока е дури и од цената на векна леб во Германија и Холандија, покажала анализата на Евростат за 2019 година. Според податоците на италијанското здружение на земјоделци „Колдирети“ во Италија килограм мека пченица се продава за помалку од 21 цент, додека килограм леб, кој се добива со мешавина на брашно со вода, граѓаните го купуваат во просек за околу 3,1 евро по килограм.
Во Милано килограм леб чини 4,22 евра, во Болоња цената достигнува 4,72, во Наполи паѓа на 1,89, во Рим е 2,63 евра, а во Палермо 3,02, наведува здружението, Колдирети.
Само за споредба, земјоделците мораат да продадат пет килограми пченица за да можат да купат едно кафе или едно шише вода во некој ресторан.
Од секое евро потрошено за купување на свежи земјоделско- прехранбени производи како што се овошјето и зеленчукот, само 22 центи одат за земјоделскиот производител.
Извор: Аgrosavjet
