Јавната здравствена установа Центар за јавно здравје – Охрид, утре на подрачјето на општина Дебар ќе реализира програмско запрашување против комарци.
Тоа согласно Законот за заштита на населението од заразни болести а врз основа на одлуката на Советот на општина Дебар за спроведување превентивна систематска дезинсекција на територијата на општината, како општа противепидемиска мерка.
Запрашувањето ќе се врши во период од 18.00 до 06.00 часот, со апарат за УЛВ ладно запрашување.
– Екипите на Центар за јавно здравје Охрид, на 14 август (петок) ќе спроведат теристичка (од земја) дезинсекција со цел уништување на комарците. Ќе бидат опфатени зелените површини во општината, крајбрежјето на Дебарското Езеро, депонии и пограничен појас, урбаната населба Дебар како и останатите локалитети предвидени во планот и програмата, стои во известувањето на Центарот.
Поради тоа се замолуваат пчеларите и пчеларските задруги да ги преземат соодветните мерки за заштита на пчелите.
Центарот за јавно здравје наведува дека во случај на појава на неповолни временски услови (ветар, дожд) дезинсекцијата се одложува за следниот поволен ден.
МИА
