Доколку не се направи нешто повеќе во борбата против климатските промени, поларните мечки ќе исчезнат до крајот на овој век – велат научниците во новата студија објавена во списанието „Nature Climate Change”.
Научниците тврдат дека некои популации веќе ги достигнале границите на преживување бидејќи арктичкиот морски мраз се повеќе се намалува, пренесува BBC .
Досегашните истражувања покажуваат дека намалувањето на мразот веројатно ќе го намали бројот на поларните мечки, но новата студија објавена во списанието „Nature Climate Change” открива и кога тоа би можело да се случи.
Со посебна метода научниците успеале да ги пресметаат границите на издржливост на животните. Според сценариото, со високите емисии на гасови и ефектот на стаклена градина, веројатно сите видови на поларни мечки, освен неколку од најсеверните делови, ќе исчезнат до 2100 година. Истражувањето покажало дека, дури и ако се постигне мал напредок околу намалувањето на емисијата на штетните гасови, неколку видови сепак ќе исчезнат.
Наодите се поклопуваат со претходните проекции дека, ако климатските промени продолжат со исто темпо, поларните мечки веројатно ќе постојат до 2100 година и тоа само неколку видови од нив кои живеат многу далеку на север.
– „Поларните мечки живеат на врвот на светот, ако го снема мразот, тие ќе нема каде да одат“, изјавил доктор Стивен Амструп, главен научник на компанијата „Polar Bers International“, кој исто така бил вклучен во студијата.
Тој објаснува дека прво ќе останеме без малите мечиња кои ќе се раѓаат, бидејќи женките нема да имаат доволно телесна маст за да произведат млеко. Поларните мечки се потпираат на морскиот мраз на Арктичкиот океан за да ловат фоки. Кога се топи мразот, животните се принудени да минуваат големи далечини обидувајќи се да пронајдат храна и да ги прехранат своите малечки.
Поалрните мечки спаѓаат во загрозени видови на Меѓународната унија за заштита на природата IUCN, а климатските промени се клучен фактор за нивното исчезнување.
Извор: RTV
