Раководителот на ПЕ Битола, Методија Илиевски информира дека во сабота и недела, Подрачните единици на МЗШВ во Битола како и дисперзираните канцеларии во општините Могила и Новаци ќе работат.
– Бидејќи рокот за пријавување трае само еден месец, заклучно со 31 јули 2020 година, со цел да им се излезе во пресрет на земјоделците и да имаме навремено пријавување на субвенциите, подрачните единици ќе работат и за викенд со работно време од 07:30 – 16:30 часот. Сите оние кои апликациите за субвенции си ги поднесуваат од дома можат да се обратат за дополнителни информации на телефонскиот број 047/ 237 – 419 – информира Илиевски.
Во интерес на земјоделците е навреме да заврши пријавувањето за да може понатаму институциите да ги обработуваат апликациите и навреме да се исплатат субвенциите .
