Под мотото „From Wait to Go: E-commerce at AI Speed!“, денеска во Скопје ќе биде одржано деветтото издание на Регионалната конференција за е-трговија со учество на над 900 учесници од повеќе од 12 земји и над 30 домашни и меѓународни говорници.
Деветтата регионална конференција за е-трговија ќе ги собере претставниците на бизнис-секторот, институциите и меѓународните организации за дискусија за актуелните трендови и можностите што ги носи забрзаниот развој на дигиталните технологии и вештачката интелигенција.
Во фокусот на конференцијата, како што најави Асоцијацијата за е-трговија на Македонија, ќе бидат влијанието на вештачката интелигенција врз е-трговијата, иднината на онлајн купувањето, дигиталните плаќања и можностите за развој на регионалниот пазар, Асоцијацијата за е-трговија на Македонија.
Предвидено е обраќања да имаат министерот за дигитална трансформација Стефан Андоновски, претседателката на Асоцијацијата за е-трговија на Македонија Нина Ангеловска Станков и амбасадорката на Народна Република Кина во земјава Џијанг Сјаојан.
МИА
