Од АФПЗРР информираат дека во декември ќе се објават повици за три мерки од програмата ИПАРД – Мерка 1, Мерка 3 и Мерка 7.
Комплетните информации околу услови, критериуми и новини ќе има кога ќе се објави официјално повикот од страна на АФПЗРР.
Во меѓувреме да се потсетиме за можноста да аплицирате за грант за нова механизација преку Мерка 1 „Инвестиции во основни средства на земјоделски стопанства“
КОЈ МОЖЕ ДА АПЛИЦИРА
На повик за Мерка 1 „Инвестиции во основни средства на земјоделски стопанства“ може да аплицираат земјоделски стопанства кои се регистрирани во ЕРЗС и се занимаваат со растително производство (житни, индустриски и фуражни култури, лозови насади, други култури од Анекс I) или сточарство (говеда, свињи, овци, кози, живина, друг добиток од Анекс I).
Земјоделските стопанства може да бидат:
1. Семејно земјоделско стопанство
2. Индивидуален земјоделец
3. Микро, мали и средни претпријатија
Покрај земјоделски стопанства, на јавниот повик може да аплицираат задруги и здружени правни лица (за колективни инвестиции).
ИЗНОС НА ФИНАНСИСКА ПОДДРШКА
Основната поддршка преку оваа мерка е во форма на неповратен грант кој покрива 60% од прифатливите трошоци во рамки на инвестицијата.
Процентот на кофинансирање се зголемува до:
- 65% за инвестиции во земјоделски стопанства во планинските области (линк до листата)
- 70% за инвестиции предложени од млади земјоделци (физички лица на возраст од 18 до 40 години)
Максималната финансиска поддршка што може да се додели на поединечен проект изнесува до 750.000 евра.
Минималниот износ на вкупни прифатливи трошоци изнесува 20.000 евра. Проектни апликации со вкупен буџет помал од 20.000 евра нема да се разгледуваат.
ПРИФАТЛИВИ ТРОШОЦИ
- Трактори ЕУРО 5
- Мотокултиватори
- Фрези, плугови, ротофрези, ротобрани, дискови брани, редосеалки
- Ѓубрерастурачи за минерални и арски ѓубрива, депозитори за семе и ѓубриво
- Култиватори, расадосадачки
- Опрема за рамнење, дупчалки за садење, кримлери/сетвоспремачи
- Прскалки, атомизери, опрема за кроење, чистачи на плевел
- Косилки, сенопревртувачи, сенобалирачка, косачки за фураж, собирач на пченка, копач, берачи
- Машини за грубо рамнење/чистење на почва
- Сортирачка, калибратор
- Опрема за транспорт на овошје и зеленчук
МАКСИМАЛНА МОЌНОСТ НА ТРАКТОРИ
Набавката на трактор треба да биде во согласност со горната граница за моќност изразена во киловати (kW) согласно регистрираниот производствен капацитет на земјоделското стопанство.
| ТИП НА ЗЕМЈОДЕЛСКО ПРОИЗВОДСТВО | ГОЛЕМИНА (ha) | ГОРНА ГРАНИЦА ЗА МОЌНОСТ (kW) |
|---|---|---|
| Лозови насади (само вински сорти) | 1-10 | 60 |
| 10-50 | 80 | |
| над 50 | 100 | |
| Житни и индустриски култури | 1-10 | 80 |
| 10-50 | 110 | |
| над 50 | 150 |
| ТИП НА СТОЧАРСКО ПРОИЗВОДСТВО | ГОЛЕМИНА (добиточни единици) | ГОРНА ГРАНИЦА ЗА МОЌНОСТ (kW) |
|---|---|---|
| Говеда за тов и млечни крави | 10-20 | 60 |
| 20-50 | 80 | |
| над 50 | 100 | |
| Свињи | 8-100 | 60 |
| 100-500 | 80 | |
| над 500 | 100 | |
| Овци/кози | 10-50 | 60 |
| над 50 | 80 | |
| Живина | 10-140 | 60 |
| 140-1400 | 80 | |
| над 1400 | 100 |
НАПОМЕНА: Во случај корисникот претходно да користел ИПАРД грант за набавка на нов трактор, не може дополнително да аплицира за инвестиција во трактор во рамките на ИПАРД III програмата. Ова ограничување не се однесува на земјоделските задруги и здружени правни лица.
