Времето денеска ќе биде променливо облачно и посвежо со услови за врнежи од дожд во северните делови, кои на повисоките планини ќе преминуваат во повремени врнежи од снег.
Ќе дува умерен до засилен, наместа повремено силен ветер од северен правец, со брзина од над 60 километри на час. Минималната температура ќе биде во интервал од -2 до 8, а максималната ќе достигне од 9 до 17 степени.
Во Скопје ќе биде променливо облачно и посвежо со услови за врнежи од дожд. Ќе дува умерен ветер од северен правец. Минималната температура ќе се спушти до 5, а максималната ќе достигне 13 степени.
Според најавите од Управата за хидрометеоролошки работи, од денеска ќе преовладува променливо облачно време, освен во северните делови каде ќе има услови за појава на врнежи од дожд, кои на повисоките планини ќе преминуваат во врнежи од снег. Ќе дува умерен, а наместа долж Повардарието повремено засилен до силен северозападен ветер. Во петок и за време на викендот ќе има услови за врнежи.
УХМР
