Најновите податоци покажуваат дека производството на јајца во светот е зголемено за 24% во последните 10 години и дека во светот се произведуваат 76,7 милиони тони јајца годишно.
Глобалното производство на јајца и понатаму бележи значителен раст и тоа дури 24% во последната деценија. Според податоците на Организацијата за земјоделство и храна (FAO), вкупното производство на овој производ од животинско потекло пораснало за 61,7 милиони тони во 2008 година, на 76,7 милиони тони во 2018.
Кина и понатаму е водечка земја за производствона јаца
Кина и понатаму е водечка земја во производството со 466 милијарди јајца во 2018 година, со што опфаќа 34% од глобалниот пазар. Па така, светското производство на јајца се зголемило за скоро една четвртина во последната деценија.
Таа е најголем светски производител на јајца во последните 30 години, а студијата објавена во септември 2018 година покажува дека клучни причини за тоа се брзиот економски раст, подобрените синџири за снабдување и поволните цени. После Кина следуваат Европската унија, САД и Индија кои заедно произведуваат 60% од овој производ. Остатокот од 16% го сочинуваат Мексико, Бразил, Русија, Јапонија, Индонезија и Турција.
Кој јаде најмногу, а кој најмалку јајца?
Нивоата на потрошувачка и понатаму покажува големи разлики помеѓу земјите, изјавил економскиот аналитичар од Меѓународната комисија за јајца (IEC) Петер Ван Хорн, кој вели дека просечната потрошувачка по лице базирана на светската популација во 2018 година изнесувала 7,6 милијарди јајца, односно 161 јајце по лице годишно.
Меѓутоа нивните податоци за 2018 година укажуваат на разлика во високата потрошувачка на јајца во Мексико(368) и Јапонија (337) и помала во Јужна Африка (130). Аналитичарот напоменува дека постојат разлики и во цела ЕУ, каде просечната потрошувачка била 210 јајца по лице годишно.
Интересно е и дека земјите со големо производство многу се разликуваат во консумацијата. Така во Кина едно лице троши во просек 255 јајца годишно додека во Индија таа бројка е само 76. Понатаму, шпанските потрошувачи изеле 73 јајца а Данците 248, додека полските и португалсите државјани во текот на годината јадат само 145 јајца.
Извор: Agroclub
