„Лисицата сега доаѓа во куќата, ќе прошета, ќе легне малку и гледа телевизија. Ние седиме, седи и таа, ќе и дадеме да јаде, излегува надвор и се враќа повторно. Си игра со мачките, не прави никакви проблеми“- вели Мустафа.
Семејството Јусуповиќ од Фојница, во својот дом повеќе од еден месец има необичен гостин.
Имено, во нивниот дом секоја ноќ доаѓа лисица која премногу се одомаќинила.
– „ Во близина на нашата куќа има шума и таа излегува од шумата и доаѓа до куќата , па почнавме да и даваме храна. Сосема случајно еднаш влезе во куќата и сега кај нас е скоро секоја ноќ“, раскажува Мустафа.
Мустафа инаку се занимава со лов и риболов и многу ги сака животните.
– „Имав и порано миленици, имав зајак, орел и др. Лисицата сега доаѓа во куќата, се шета, ќе легне малку, гледа телевизија. Ние седиме, седи и таа. И даваме да јаде, ќе излезе надвор и се враќа повторно. Си игра со мачките, не прави никакви проблеми“, вели Мустафа.
Тој истакнува дека проблемите во соседството ги прават кучињата скитници, а лисицата јаде само она што ќе и дадат.
– „И купувам салама, пилешко, она што ние јадеме, јади и таа“, објаснува Мустафа.
Вели и тоа дека нивните деца си играат со лисицата и дека воопшто не им е страв.
Алдијана, сопругата на Мустафа вели дека лисицата кога ги нема нив, оди кај комшијата па тој и дава да јаде, но дека не влегува во другите куќи.
– „Ние ја викаме „ девојка“, а всушност е лисец“ – вели низ смеа Алдијана.
Истакнува дека лисицата е питома, и дека не им било страв ниту првиот пат кога им се приближила, а ниту сега кога им го преминува домашниот праг.
-„Лисицата често спие со мачките. Знаеме да и го отвориме фрижидерот и на задната полица да оставиме што е за неа и таа сама се послужува“, раскажува Алдијана.
