Изминатата недела имавме сончево и топло време, со повремени локални врнежи од дожд, на некои места.
Повеќето култури се наѓаат во фенофаза берба. Кај најголем дел од овошните видови и винова лоза се собираат или веќе се собрани плодовите. Кај јаболката и доцните сорти сливи бербата е во полн ек. Исто така и пченката се прибира, доколку зрното има поголем процент на влага се наметнува потребата од досушување до 12 -13% влажност. Во многу случаи пченката мора да се прибира пред млечната, восочната зрелост. Ако фуражната пченка се одгледува како втора култура,во наши климатски услови треба да се прибере до паѓање на првите есенски слани околу 25 септември. Силажната пченка во зависност од климатските услови се прибира од почетокот на септември до средината на октомври, но во некои краеви е веќе собрана.
Времето во следните денови до сабота ќе се задржи претежно стабилно време. Во недела ќе има повремени врнежи од дожд и наместа услови за нестабилност со краткотраен пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температура.
Се препорачува земјоделските производители да продолжат со активностите и грижата за нивните посеви. Со оглед на најавената промена на времето и локалните поројни врнежи од дожд и засилен ветар, кои се очекуваат за време на викендот, препорачуваме земјоделските производители да ги оберат зрелите плодови, се со цел да го заштитат родот од гниење и да го зачуват квалитетот на приносот. Во случај на појава на електрични празнења се препорачува поголема внимателност, да не се престојува на отворен простор. Да се направи проверка и затегнување на потпорите кај конструкците и сите други потребни превентивни мерки.
Минималната температура ќе се движи во интервал од 8°C до 19°C, а максималната температура ќе се движи во интервал од 18°C до 33°C.
Извор: Агрометео
