Деновиве во просториите на Општина Неготино одржана е работна средба помеѓу директорот на Агенцијата за поттикнување на развојот на земјоделството м-р Пеце Стојковски и градоначалникот на Општина Неготино г-ѓа Марија Нацева. На работната средба се разговараше за актуелните состојби особено земјоделското производство во Општина Неготино, проблемите и потребите на земјоделските производители од оваа општина, поддршката која се обезбедува од страна на Агенцијата согласно Програмите за финансиска поддршка во земјоделството, како и поддршката која што може да се обезбеди од страна на АПРЗ за земјоделските производителите во насока на модернизација и оптимизација на нивното производство.
Во рамките на оваа работна средба беше потпишан и меморандум за соработка помеѓу Агенцијата за поттикнување на развојот на земјоделството и Општина Неготино со цел да се формализира и продлабочи взаемната соработка во насока на унапредување на земјоделско производство, поддршка при градење на регулативата, и се разбира советодавна поддршка за тековните и новите земјоделски производители.
Меморандумот има за цел да обезбеди координирање, заеднички активности и меѓусебно помагање во насока на поддршка при обезбедување на услуги за информирање, едукација, обука, прилагодување, здружување, како и административна поддршка на жителите од руралните средини.
АПРЗ
