Германија постигна напредок во постапката за воведување данок на месото поради благосостојбата на животните, изјави нивната министерка за земјоделство Јулиа Клокнер, откако вниманието на целиот свет беше насочено кон кланица која стана жариште на корона вирусот.
Имено, епидемијата во фабриката за преработка на месо во близина на Гутерслох, во каринтин стави повеќе од 600 000 луѓе и отвори голема дискусија за германските стандарди во прехрамбената индустрија и нејзиното ослонување врз работата на мигрантите, а особено на оние од Романија.
Воведување на данок во согласност со стратегијата F2F?
Зборувајќи дека месото не би требало да биде секојдневен извор на лоша и безвредна храна, Клокнер го критикува обидот да се привлечат потрошувачите да консумираат т.н. junk food и тоа по исклучително ниски цени, поради што на крајот домашните сточари остваруваат помал приход.
„Затоа веруваме дека данокот за благосостојбата на животните е вистинска потреба“ рече Клокнер на конференцијата за новинари одржана после состанокот со претставниците на месната индустрија, малопродажниот сектор и здружението на потрошувачи.
Имено воведувањето на дополнителен данок е во согласност со стратегијата F2F (Од фарма до вилушка) со чија помош треба да се намали консумацијата на месо поради зачувување на животната средина и намалување на климатските промени.
Приходите од данокот за подобрување на условите при колењето?
„Стигнавме подалеку од било кога до сега“ вели министерката, и при тоа коментирајќи ги напорите за постиднување на консензус за тоа приходот од данокот да се користи за подобрување на условите при колењето на животните.
Алберт Стегман од Христијанската демократска унија на канцеларката Ангела Меркел сепак коментира: „ Доплонителниот данок треба да се употреби за поддршка на сточарите за да им се помогне во реконструкцијата“.
Данок поради благосостојбата на животните но боксовите сепак остануваат?
Иако сакаат да го зголемат данокот на месо поради благосостојбата на животните, во Германија повторно е одложено гласањето за зголемување на боксовите за свињи. Имено таму свињите се чуваат во простор каде што можат сосема малку да се движат напред- назад, но никако не и настрана, а исто така и кога лежат не можат до крај да ги испружат нозете.
Боксовите мора да бидат долги 2,2 метри и широки помеѓу 65 и 85 сантиметри, а фармерите ќе имаат дури 17 години да ги прилагодат со новите одредби кога тие ќе бидат усвоени. Додека пак во Шведска и Велика Британија ваквиот начин за чување на животните е забранет.
Извор: Агроклуб
