Епидемијата на Ковид 19 и влошувањето на социјално- економските проблеми во Западна Европа го одвратија вниманието од борбата против азискиот стршлен, преносува порталот Сојуз на пчеларски организации на Србија.
Додека трошоците за борбата против овие грабливци се зголемуваат, ограничувањето во движењето на луѓе и возила во текот на карнатинот можат само да го олеснат неговото ширење, не само во тој дел на Европа.
Меѓу 100 видови достасани во Западна Европа, жолтоногиот азиски стршлен (Vespa velutina nigrithorax) се смета за еден од најштетните за пчелите, предупредуваат стручњаците.
Според проценките на британските научници, ако не се превземат итни превентивни мерки, азискиот стршлен ќе се шири низ Велика Британија во наредните 20 години.
Во текот на 15 години од доаѓањето во Франција, тој ја окупира целата територија и се насели во сите соседни земји. Главно средство во борбата против азискиот стршлен, чија прехрана ги вклучува и пчелите, е уништување на неговите гнезда од страна на посебно обучени и опремени тимови а ефикасноста за сега, не преминува 40 отсто.
Се нагласува дека употребата на пестициди и други хемиски средства се смета за опасна за инсектите, цицачите, птиците и другите животни, додека се уште се развиваат техники кои се безбедни за другите животни, а засновани се на водена пареа и феромон. Традиционалните стапици со мамки за стршлени помагаат во заштита на поедини пчеларници, но ништо повеќе од тоа.
Според истражувањата, во текот на 2006 година, трошоците за уништување на гнездата на стршлените само во три западни провинции на Франција изнесуваа 0.4 милиони евра, а во 2015 година достигнаа до 4.5 милиони евра, така да конечната цифра после девет години е 23 милиони.
Научниците веруваат дека трошоците до 2032 година ќе се зголемат на 11.9 милиони евра годишно во Франција, 9.0 милиони евра во Италија и 8.6 милиони евра во Велика Британија.
За споредба, придонесот на пчелите како опрашувачи во француското земјоделство се проценува на две милијарди евра, а приходот на пчеларите е околу 130 милиони евра годишно.
Изгледите за целосна колонизација на Западна Европа со стршлен изгледаат доста реално, со оглед на тоа дека од неодамна се појави и во региони чија клима до скоро беше неповолна за него.
Извор: Agronews
