Мечките сакаат мед, па не е ни чудно што поминуваат долги патишта за да стигнат до него. Толку го сакаат што не можат да одолеат и ги ограбуваат кошниците па на многумина пчелари им создадат серизони главоболки. Овие симпатични грабливци се многу чести гости на фармите со пчели, но и многу непожелни, бидејќи понекогаш прават огромна штета. Многумина пчелари, како Ибрахим Седеф, се обидуваат да ги држат што подалеку од кошниците.
Ибрахим Седеф живее во Трабзон, во Турција, пренесува турската новинска агенција Demirören (DHA). Тој е земјоделски инженер кој се занимава со пчеларство. Веќе некое време се обидува да ги спречи стрвните мечки да ги кршат кошниците во обид да дојдат до скапоцениот мед. За да ги заштити кошниците, Седеф се обидел да ги осигура со поставуавње на метални кафези околу нив. Исто така се обидел да остави храна како што се овошје, леб и мед за да ги спречи мечките да се послужат со ужина директно од кошниците. Сепак, тоа не било доволно добро и некои кошници и понатаму биле оштетувани.
Затоа овој пчелар одлучил да дознае повеќе околу движењето и однесувањето на мечките. Поставил камери за да ги следи мечките кои шетаат по неговата фарма со пчели.
Додека се обидувал да смисли начин како да ги надмудри стрвните животни, Седеф дошол до генијална идеја, одлучил овие мечки да ги претвори во дегустатори на мед, бидејќи тие имаат добар вкус за медот.
Пчеларот поставил масата со четири видови на мед за мечкарската гозба. Резултатот покажал дека мечките сакаат скапи работи.
Седеф за DHA изјавил дека мечките ги привлекувал мирисот на медот „Анзер“ и дека секогаш прво него го јаделе, а понекогаш дури и не пробувале друг мед. Килограм од овој познат турски мед „Анзер“ се продава и за повеќе од 300 долари.
Извор: Poljoprivreda.ba
