Денеска остварив работна средба со сточарите од Пијанечко-малешевскиот регион, на која разговаравме за актуелните предизвици со кои се соочува секторот како што е откупот на млекото, откупната цена, исплатата на субвенциите, како и за други тековни прашања од значење за сточарското производство, информира Државниот секретар на МЗШВ, Борче Серафимовски.
На средбата присуствуваше и градоначалникот на Општина Делчево, Иван Гоцевски, со кого заеднички ги разгледавме можностите за надминување на проблемите и подобрување на условите за работа на сточарите од овој крај.
Сточарството е еден од столбовите на македонското земјоделство. Нашите сточари не се само производители на млеко и млечни производи, тие се чувари на животот во руралните средини, на семејните земјоделски стопанства и на долгогодишната традиција за производство на здрава, квалитетна и природна храна.
Како Министерство и држава остануваме целосно посветени на изнаоѓање конкретни и одржливи решенија кои ќе обезбедат фер услови за производство, стабилен пласман, подобра економска сигурност за производителите и развој на домашното сточарство.
Само со континуиран дијалог и партнерски однос со земјоделците можеме да изградиме силен, конкурентен и одржлив аграр, во кој македонскиот земјоделец ќе биде ценет, а домашното производство ќе го добие заслуженото место.
Фејсбук статус на Борче Серафимовски
