Европската комисија ќе им исплати 467 милиони евра на европските земјоделци согласно регулативата објавена минатиот месец. Овие пари наменети за кризна резерва претходно се одвоени од буџетот за поддршка на земјоделците за 2019 година.
Иако во 2019 земјоделскиот сектор се соочи со неколку предизвици, не се појави потреба од користење на средствата од кризната резерва. Државите-членки на ЕУ можат да започнат со враќање на овие средства од 1 декември.
Кризната резерва за земјоделците и механизмот за враќање на парите доколку не биде потребна се воспоставени со реформата на заедничката земјоделска политика од 2013 година, а започна со примена во буџетската 2014. Овие пари се одвојуваат од корисници на поддршка во минимален износ од 2.000 евра.
