Враќањето на довербата во институциите е процес кој ќе потрае подолго време и во кој сакам да помогнам, преку позитивни примери и надминување на предрасудите.
За оваа сабота го издвојувам повикот на Фондот за иновации и грантот од 320 000 евра кој е одлична можност за фирмите да го унапредат своето производство, да воведат нов производ, линија, нешто што нема на домашниот пазар или се значително подобрени од она што во моментот се нуди на пазарот.
Со многу бизнисмени со кои разговарав на оваа тема прво беа зачудени дека можат да аплицираат, а потоа и немаа јасна претстава каков проект треба да имаат и на крајот беше недовербата дека можат да добијат.
-320 000 евра грант од државата за мојот бизнис? Зарем има такво нешто, не ми се верува…беа најчестите изјави.
Значи потребно е само да се има правилна и навремена информација, да се верува во институцијата односно државата дека парите ќе дојдат на вистинското место и ќе имаат ефект.
Голем број позитивни примери ова го потврдуваат, а од личните контакти со нив ве уверувам дека проектите си поминале регуларно затоа што биле добро изработени, имале идеја, оправдување и најважно професионално изготвени апликации.
Затоа, тргнете ја недовербата на страна, аплицирајте и користете ги овие средства од државата за вашите бизниси.
Фејсбук статус на Ленче Николовска
