До редакцијата Агротим ни се обрати пчеларот Љупчо Панов од Кавадарци.
Фотографиите кои тој ни ги испрати сведочат за несреќата која му се случила на 18 септември кога во голем шумски пожар во кавадаречкото село Фарис во кој изгоре голем дел од нискостеблеста шума, изгорел и неговиот пчеларник.
Во пожарот изгореле 16 пчелни семејства, а штетата ја проценува на 120 000 денари. Ги поседува сите потребни документи и потврди од министерството за внатрешни работи.
Панов се обратил до министерството за земјоделство и до градоначалникот на Општина Кавадарци, Митко Јанчев за помош но до сега нема одговор дали постои начин да му се помогне.
Се надева дека институциите ќе му излезат во пресрет со обештетување бидејќи, како што вели за него е ова преголема штета која сам не може да ја надокнади.
Напишете коментар