Летната туристичка сезона донесе зголемена фреквенција на возила на излез и влез во државата, особено на граничните премини Табановце и Богородица.
Според податоците од Автомото сојузот на Македонија, на Табановце за влез во земјава се чека од 30 до 45 минути, додека на Богородица времето на чекање за излез е околу 30 минути.
На останатите гранични премини сообраќајот се одвива без поголеми задржувања, а коловозите низ земјата се суви и проодни. Возачите се предупредуваат на можни одрони по одредени патни делници, особено низ клисурите и планинските предели.
АМСМ апелира граѓаните да патуваат со трпение, да ја прилагодат брзината и да ги почитуваат сообраќајните правила, особено во периоди на зголемен интензитет на движење.
