На завршен настан од проектот „Тејст д вејст“ (Taste the waste) денеска во Младинскиот центар „Матично“ ќе бидат презентирани клучните активности, постигнувања и резултати од проектот, чија цел е подигнување на свеста за одржливо управување со храна и намалување на отпадот.
Станува збор за проект поддржан од Европската Унија, координиран од „Гоу грин“ – Скопје, во соработка со локалните партнери „Маркт органик“ (Markt Organic) и „Биокосмос“ (Biokosmos).
Целта на иницијативата е воведување иновативни практики за мерење и намалување на отпадот од храна во мали и средни претпријатија од угостителскиот и прехранбениот сектор во државава поставувајќи ги како примери за одржливост.
МИА
