Виновата лоза е веќе во фенофаза на прошарок, додека некои од трпезните сорти на грозје се во фенофаза на зреење. Во оваа фенофаза грозјето е исклучително осетливо на инфекции од причинителот на сиво гниење Botrytis cinerea.
За сузбивање на оваа болест неопходна е примена на соодветни фунгициди. За таа цел, препорака на ХЕМОМАК ПЕСТИЦИДИ е употреба на еден од фунгицидите кои ефикасно ја контролираат оваа болест, и тоа AVALON (pirimetanil) 2,5 L/ha, SIGNUM 33 WG (pyraclostrobin + boscalid) 1 kg/ha или новиот фунгицид ZENBY (isofetamid) 1,5 L/ha. Фунгицидите SIGNUM 33 WG и ZENBY покрај сивото гниење го сузбиваат и причинителот на пепелница, и исто така ја зголемуваат цврстината на зрната. Виновата лоза е осетлива на инфекции од причинителот на пепелница од самиот почеток на вегeтaцијата па се до крајот на вегетацијата, односно сите зелени делови се осетливи на инфекција до самиот крај на вегетацијата. Затоа за контрола на оваа болесет неопходна е примена на фунгициди и во фенофаза на прошарок и зреење на грозјето, почитувајќи ја каренцата на фунгиците кои се користат во послените третирања. За контрола на оваа болест во оваа фенофаза го препорачуваме фунгицидот EMINENT 125 МЕ (tetraconazole) 0,25 L/ha, кој има каренца од 14 дена. За сузбивање на причинителот на пламеница препорачуваме еден од фунгицидите FUNGURAN OH (bakar hydroxide) 3 kg/ha или COPERNICO HI BIO (bakar hydrxide) 2,5 kg/ha.
Од штетните инсекти во оваа фенофаза од најголемо значење е третата генерација на сивиот гроздов молец, која е најштетна за гроздовите. За сузбивање на гроздовиот молец го препорачуваме инсектицидот RADIANT 120 SC (spinetoram) 0,3 L/ha кој се одликува со брза ларвицидна активност и има каренца од 7 дена, или CORAGEN 20 SC (chloranthraniliprol) 0,2 L/ha кој делува на јајцата и ларвите на гроздовиот молец, и има каренца од 3 дена за трпезните сорти на грозје.
За зголемување на цврстината на зрната од гроздовите како и за продолжување на рокот на траење на плодовите го препорачуваме биостимулаторот FOLICAL. Во својот состав содржи екстракт од морската алга Ascophyllum nodosum и CaO калциум оксид 15%. FOLICAL може да се меша со фунгициди и инсектициди.
Подготвил: м-р Васко Манев
ХЕМОМАК ПЕСТИЦИДИ
