Агенцијата за финансиска поддршка во земјоделството и руралниот развој го отвори системот за пријавување на дополнителните директни плаќања од програмата за финансиска поддршка во земјоделството за 2024 година.
Сите земјоделски производители кои имаат остварено, предадено или складирано производство во 2024 година може истото да го пријават преку системот за Директни плаќања по основ на 8 мерки:
- Дополнителни директни плаќања од подмерка 1.1 за остварено производство на пченица, јачмен, сончоглед маслодајна репка и афион. Корисници на мерката се сите земјоделски стопанства кои своето производство го продале или складирале кај регистриран откупувач или го продале кај регистриран одгледувач на добиток.
- Дополнителни директни плаќања од подмерка 1.4 за остварено производство од домат, пиперка, крставица, корнишон, зелка, грав и компир. Корисници на мерката се сите земјоделски стопанства кои горенаведените култури го користеле за сопствени потреби, ги продале на пазар или ги предале кај регистриран откупувач.
- Дополнителни директни плаќања од подмерка 1.4 за сите градинарски култури кои се предадени во регистрирани преработувачки капацитети.
- Дополниелни директни плаќања од подмерка1.8 за остварено производство на овошје. Корисници на оваа мерка се стопанствата кои своето производство го продале на пазар, го користеле за домашни потреби или го предале кај регистриран откупувач.
- Дополнителни директни плаќања од подмерка 1.8 за овашје предадено во преработувачки капацитети.
- Дополнителни директни плаќања од подмерка 1.11 за остварено производство на грозје. Корисници на оваа мерка се стопанствата кои своето производство го продале на пазар, го користеле за домашни потреби или го предале кај регистриран откупувач.
- Дополнителни директни плаќања од подмерка 2.17 за пчелни семејства вклучени во селекција за производство на матици. Корисници на оваа мерка се стопанствата запишани во регистарот на одгледувачи на пчели.
- Дополнителни директни плаќања од подмерка 2.19 за лабараториска анализа на физички и хемиски својства на мед.
Рокот за поднесување на барањата за дополнителните плаќања од програмата за финансиска поддршка во земјоделството е до 25 декeмври 2024 година.
