Започна пријавувањето штети на земјоделските насади предизвикани од природната непогода – голомразица што ја зафати територијата на Општина Делчево во текот на мај 2026 година.
Од локалната самоуправа ги повикуваат сите граѓани кои претрпеле материјални штети да поднесат барања во архивата на Општината. Пријавувањето ќе се врши во периодот од 7 до 21 мај, секој работен ден од 08:00 до 15:00 часот.
Со барањето, апликантите треба да достават копија од лична карта, доказ за користење на земјиштето (имотен лист, договор за закуп или решение за регистрација на земјоделско стопанство) и трансакциска сметка. Од Општината нагласуваат дека нецелосните апликации нема да бидат разгледувани.
Со потпишување на барањето, барателите ја потврдуваат веродостојноста на доставените податоци и даваат согласност за користење на личните податоци за потребите на постапката.
Надлежните апелираат земјоделците навремено да ги пријават штетите со цел побрза проценка и евентуално обештетување.
Општина Делчево
