ЈПВ Лисиче и АД Водостопанство со средства обезбедени од Владата на Република Македонија отпочнаа со чистењето на крајбрежјето на езерото како една од фазите за ревитализација на истото.
Покрај чистењето на коритото на Отовичка река, чистењето на трските, тињата и дрвјата, деновиве ќе почне и со бушење на бунари за довод на свежа вода што е неопходна за флората и фауната, а ќе биде замена за пресушениот доток што е последица на климатските промени и земање на водата преку нови бушотини во населба Отовица.
Очекуваме ова да биде функционално времено решение за да ја спречиме еколошката катастрофа на езерото, а паралелно да продолжи изградбата на цевководот од Лисиче до Младост што ќе овозможи трајно решение на проблемот, напиша на социјалните мрежи пратеникот Игор Здравковски.
