На денешната прес конференција на претседателот на СДСМ, Зоран Заев на која се претставија пакет економските мерки кои ќе се достават до Владата на разгледување и усвојување, се потенцираше и важноста на земјоделското производство и земјоделците.
– Сакам да упатам посебен апел до нашите земјоделци кои се наоѓаат на почеток на новата сезона и да ги охрабрам да си продолжат со работата. да ги насеат или насадат нивите. Како никогаш до сега е јасно колку е важно домашното производство на храна. Тоа за една држава и нејзините граѓани е најсигурно и најефтино. Ние како Влада сме свесни за ова и затоа земјоделското производство доби стратешко место во носењето на мерките и средствата од буџетот кои се одвојуваат за негов развој. До сега исплативме близу 400 милиони евра директна поддршка за нашиот аграр, инвестиравме во системи за наводнување, обезбедивме зелена нафта, државна земјоделска земја добија голем број на земјоделци и сточари, се носеа мерки кои значеа стабилизирање на состојбата во аграрот, станавме лидери во искористеност на ИПАРД фондовите…ние покажавме грижа за домашното производство на храна – рече Заев и додаде дека рогласувањето на вонредна состојба во државата за сите граѓани е нова ситуација која е наметната од светската криза со корона висрусот, но ве уверувам дека место за загриженост нема.
-Фирмите -дистрибутери имаат доволно репроматеријали, семенски материјал, средства за заштита и прихрана, има гориво и воопшто се што е потребно за навреме да ги извршуваате сите агротехнички мерки. Ваше е само да ги почитувате мерките на Владата околу превентивата и да продолжите да ја произведувате храната на нашите граѓани. Владата и сите други институции од областа на агросекторот се посветени да ги имате сите услови непречено да произведувате – порача Заев.
