За време на викендов времето ќе биде сончево со мала до умерена облачност, особено во недела, соопшти УХМР.
Времето утре ќе биде сончево и тивко, со дневна температура до 17 степени. В недела ќе биде сончево со мала до умерена облачност. Ќе дува слаб до умерен, а наместа долж Повардарието повремено засилен ветер од северен правец. Минимална температура ќе биде во интервал од -3 до 4 степени, а максималната температура до 19 степени.
Во првите денови од следната седмица ќе има зголемена облачност со услови за слаб локален дожд. Ќе дува и умерен ветер од северен правец.
Утринските температури ќе бидат во интервал од -4 до 4, а дневните од 7 до 19 степени.
МИА
