За време на викендот, како и во првите денови од наредната недела ќе имаме стабилно и суво време со натпросечно топла воздушна маса од југ. Времето ќе биде сончево со мала до умерена локална облачност. Во недела и во понеделник локално ќе има појава на позначителна облачност.
Максималните дневни температури на воздухот ќе бидат за пет до десет степени повисоки од просечните, и речиси насекаде ќе надминуваат 10 степени.
Во најтоплите предели од државата максималните температури се очекува да се искачат до пролетни 18 степени.
Според најновите метеоролошки анализи, позначителна промена на времето и продор на студен бран се очекува во вторник навечер, како и во текот на ноќта кон среда.
