Сончево со мала облачност, температурата до 28 степени. Ќе дува слаб до умерен ветер од североисточен правец, информира Управата за хидрометеоролошки работи.
Утринските температури ќе се движат од 7 до 16 степени, а дневните од 19 до 28 степени.
Во Скопје и околината времето ќе биде сончево со мала облачност. Утринската температура ќе достигне до 13 степени, а дневната до 27 степени.
Во следните денови ќе преовладува променливо облачно време. Локални врнежи од дожд се очекуваат во среда кон крајот на денот и во четврток.
