Облачно, студено и ветровито време од денеска и во наредните неколку дена ќе преовладува во земјава. Во планинските региони и во западните делови од државата се очекува нова снежна покривка со висина до 20 сантиметри.
Според најавите од УХРМ, долж Повардарието врнежите ќе бидат од дожд и снег и наместа ќе се формира помала снежна покривка. Поради силниот ветер кој се очекува да биде со брзина над 70 км/час можна е и појава на снежни наноси. Утринските температури ќе се спуштат и до -11 степени.
Поради врнежи од снег, забрана за тешки товарни возила од синоќа има на патните правци Гостивар-Кичево преку планискиот превој Стража и Гостивар-Маврово-Дебар, а од 3:30 часот е воведена забрана на патниот правец Битола-Ресен преку планинскиот превој Ѓавато.
Температурата утре ќе се спушти до минус три, во четврток до минус седум, петок до минус 11, сабота до минус девет и понеделник до минус осум.
Дневната температура утре ќе се искачи до осум степени, во четврток до шест, петок до осум, сабота 10, недела 11 и понеделник до 13 степени.
Напишете коментар