Земјоделците инсистираат уредбата за малопродажните ланци да важи на неодредено време, бидејќи сега е привремена – до 31 декември.
Премиерот на Бугарија Бојко Борисов и министерката за земјоделство Десислава Танева, одржаа видео конференција со стопанствениците од различни сектори на земјоделството како што се: овоштарство , градинарство, риболов и пчеларство, објави владината информативна служба.
Во разговорите, посебно внимание посветија за новата уредба на владата со која се задолжуваат малопродажните ланци во своите продавници да продаваат бугарски производи, произведени од локални – регионални производители. Беа коментирани и други државни мерки во услови на вонредна состојба против ширењето на корона вирусот. Земјоделците ги истакнаа потешкотиите со кои се соочуват при продажбата на своите производи.
Премиерот истакна дека државата прави сé што може за да го поддржи земјоделскиот сектор и домашното производство.
„Најважно е да ве зачувамево живи и здрави, а сè друго ќе дојде само по себе, ние ќе се ангажираме и ќе го направиме тоа што треба. Сега се бориме со овие мерки за да ви помогнеме и да направиме се што се може. Мојата основна цел е да сме живи “, рече Борисов.
Министерката за земјоделство Десислава Танева истакна дека целта е да се поддржат малите и локални бугарски производители за да се обезбеди нивниот опстанок. Според неа, локалните производи се посвежи, а потрошувачите треба да имаат пристап до нив.
Стопанствениците изјавија дека ги поддржуваат напорите што ги прави владата и се согласија дека оваа владина уредба е алтернатива за малите производители.
Претставниците на различните сектори забележаа дека ваквата организација треба да ја применат и другите земји. На средбата, производителите истакнале дека сакаат да ги продаваат своите производи во Бугарија и според нив, малопродажните ланци се соодветен канал за продажба на нивните производи.
Тие исто така инсистирале уредбата да важи без ограничување. Засега важи до 31 декември 2020 година. Земјоделците исто така истакнале дека се восхитуваат на напорите на државата за да ги реши проблемите во земјоделскиот сектор.
За време на разговорот, министерката Танева истакна дека воведениот услов млечните производи да бидат целосно произведени од бугарско сирово млеко, има за цел да го поддржи секторот сточарство и млечна индустрија. Причина за тоа е падот на цена на млекото во цела Европа. Производителите изразија задоволство и од навремената исплатата на субвенциите бидејќи Државниот фонд за земјоделство (СФА) се придржува до најавениот распоред за исплата.
Извор :Агрибг
Напишете коментар