Во „Тиквешки семејни винарии“ се приклучија и фамилијарни винарници од други македонски општини

Здружението „Тиквешки семејни винарии” стартуваше со работа пред околу три години со неколку членки, фамилијарни вински бизниси од Тиквешко, како најголем лозаровинарски регион во државата. Сега во здружението континуирано се приклучуваат нови членови, мали винопроизводители од целата наша држава, изјави за МИА претседателот на Здружението, Горан Јаковлевски.

– Со олеснувањето на законските одредби, добивме можност да ги регистрираме своите мали семејни винарници. Иако сме именувани „Тиквешки семејни винарии”, во нашето здружение веќе се зачленија производители на вино од Битола, Куманово, Велес, Прилеп и други општини, појасни Јаковлевски.
Тој нагласи дека нивна цел е промоција на македонското вино, создавање на македонски вински бренд препознатлив во светот и развој на винскиот туризам.

Јаковлевски потврди дека дел од малите семејни винарии имаат и сместувачки капацитети, а некои од нив се веќе резервирани и со месеци однапред.