Временските услови се непогодни за обработка на нивите и сеидба со житни култури. Потпретседателот на Асоцијација на земјоделци, Гоце Сарафимов вели дека во одредени делови и не се почнати подготовките, бидејќи нема врнежи од дожд.
-Нема дожд, земјата е тврда и е проблем. Поради ова сигурно ќе останат и некои ниви не насеани. Цената на пченицата и јачменот оваа година беа многу ниски, државата помогна околу овој проблем, даде субвенции по три денари и дополнително по 6.000 денари по хектар. Меѓутоа цената е многу ниска на житните култури и има многу незадоволни земјоделци, а дополнително и временските прилики се многу лоши. Затоа сеидба се уште не е почната во поголем ек, вели Сарафимов.
Посочи дека се очекува до Нова година да биде и стабилна цената на свинското месо, бидејќи цената на житните култури во моментов е многу ниска.
-Цената на житарицата е намалена во споредба со лани и не би требало да има покачување на свинското месо, вели Сарафимов.
Прашан дали во карбинскиот регион се стабилизираше ширеењето на африканската свинска чума, Сарафимов со одговор дека по појавата на фармата во село Таринци, нов случај не е регистриран на ниту една фарма во овој регион.
МИА
