Програмата за зголемување на пазарната вработливост – ИМЕ поддржана од Швајцарската агенција за развој и соработка, во партнерство со Стартап Македонија ги кани компаниите од секторот агробизнис на онлајн настан “Startup Huddle”во рамки на овогодинешната Глобална недела на претприемништво
На настанот “Startup Huddle”, две ИТ компании ќе имаат кратки презентации за иновативни технолошки решенија применливи во секторот агробизнис:
- EmbedSocial нуди уникатно решение од областа маркетинг кое на компаниите им дава поголема видливост на нивните интернет страници и/или социјални медиуми и можности за зголемување на продажба
- AgFutura нуди алатки за дигитализација во земјоделското производство преку воведување на прецизна агрономија
За вас, како компании од секторот агробизнис, овој настан ќе биде можност да се запознаете со функционалностите на овие ИТ решенија, како и размена на идеи и можности за понатамошна соработка со ИТ компаниите- презентери на настанот.
Настанот “Startup Huddle” ќе се одржи на 19.11.2020 (четврток) во периодот 11:00 – 12:00 часот , на платформата Zoom.
Потребна е претходна најава за интерес за учество преку линкот: https://zoom.us/meeting/register/tJUqdO-oqTkoHNCHqmjwq5j8-RzxfyWt50yq
По пријавата, организаторот ќе ви овозможи пристап до платформата.
*Учеството на настанот е бесплатно. Работен јазик на настанот е македонски јазик.
Се надеваме дека ќе бидете во можност да се приклучите на настанот и да остварите успешна соработка со останатите учесници.
За сите дополнителни информации околу пријавата и содржината на настанот, контакт лице при Швајцарската програма ИМЕ: Зорица Захариева (070 385 271).
