Интерактивната инсталација поставена на 55.000 метри квадратни опфаќа изложба, винска школа, ресторани, барови, уметнички простори….
Новата туристичка атракција во Порто сведочи за тоа, до која мера современиот вински свет се обидува да се приближи до помладите генерации. Во прашање е интерактивна инсталација наречена „World of Wine“, во која се вложени неверојатни 105 милиони евра, а се протега на 55.000 метри квадратни, во некогашните вински пoдруми во овој протугалски град познат по истоименото вино.
Атрактивнсота и интерактивниот, повеќенаменски простор чие отворање е закажано за 31 јули ќе има различни целини. Најважна меѓу нив е изложбата „Порто низ вековите“. Во „Светот на виното“ ќе работи и винската школа со WSET акредитација, каде ќе се одржуваат гастрономски работилници и уметнички настани.
Посетителите на располагање ќе имаат и разни ресторани и вински барови, изградени во обновени вински подруми, а еден од најубавите делови на комплексот ќе биде малиот плоштад со поглед на градот Порто.
Адријан Бриџ, прв човек на комплексот World of Wine вели дека, за жал, на 31 јули нема да бидат отворени сите негови делови.
– „ Ќе биде потребно нешто повеќе време за да биде се готово“ – наведува Бриџ и истакнува дека се надева дека центарот ќе привлече нова генерација вински туристи, кои сакат да стекнат нови искуства и да навлезат во локалната култура.
– „Наша цел е World of Wine да го дефинира Порто како туристичка дестнација. Не само да се раскажува приказната за виното по кое градот е познат ширум светот, туку да се раскажува и за градот, неговите жители и нивните авантури низ вековите“, вели Бриџ.
Бриџ изјавил дека е свесен за загриженоста на оние кои веруваат дека World of Wine ќе стане вински Дизниленд, но верува дека овој комплекс изграден во духот на почитта, на древниот град му дава нов смисол на постоење на до неодамна вишокот магацински простор.
Извор: Vino&fino
