Највисоко ниво на метеоролошка тревога е прогласена во шпанскиот главен град Мадрид, во Андалузија и во Кастиља-Ла Манча, поради сиилното невреме и продојните дождови кои ја зафатија Шпанија, јави ДПА.
На речиси 10.000 луѓе во каталонскиот град Алканар им е забрането да ги напуштат своите домови поради ризиците од силните бури. На жителите на градот им беше советувано, ако е можно, да одат на горните катови од нивните куќи.
Во изминатите 24 часа во Алканар наврнаа 215 литри дожд на метар квадратен.
Железничките линии меѓу Валенсија и Барселона беа прекинати поради обилните врнежи, а во прекин се и неколку регионални патишта.
На лошото време се припишува и смртта на двајца мажи на возраст од 34 и 31 година, кои пловеле во кањон на река во регионот на Сарагоса, тие паднале во надојдените води и се удавиле.
Поради невремето одложен е фудбалскиот натпревар во Мадрид меѓу Атлетико и Севиља.
Невремето со грмотевици, град, пороен дожд и силен ветер се очекува да трае до утре наутро.
МИА
