Вчера вечер во село Норово – Крушевско, крадци украле 20 бали тутун од тутунопроизводителот Алфред Етка.
Производителот Етка видно вознемирен за Агротим вели дека ова не е прв пат во Норово да се случува кражба на тутун.
-Јас често одам и ги контролирам скелињата. Утрово околу 8 часот отидов и беа земени. Со нож ги пресекле кога ги земале. Пријавив во полиција и се надевам дека ќе се најдат крадците. Ова не е прв случај во Норово да се краде тутун – вели Етка.
Финансиската штета е голема но трудот и маката да се произведе тој тутун е уште поголема, вели Алфред Етка.
