Лебот и пецивата ќе поскапат и до 20% во Австрија, најавува претставникот на австриските пекари, Јозеф Шрот.
-Поскапува брашното, а со тоа и лебот и сите пецива. Во зависност од производот, сметаме на скок на цените меѓу 10 и 20 проценти. Не можеме поинаку – објасни Шрот за дневниот весник „Естерајх“.
-Морам да испечам леб и потоа да го испорачам. И за тоа имаме трошоци – изјави Шрот.
Австрија со недели мака мачи со високите цени, но и со пченицата и лебот.
„Секојдневно добиваме околу 300 нарачки од граѓаните, а имаме и договори за набавка на продавници. Секој ден нашите погони работат по 16 часа“, велат од пекарата „Дајзер“.
И земјоделците во Германија предупредуваат дека поради војната во Украина многу брзо може да дојде до „експлозија“ на цените на храната. Клаус-Петер Лухт, потпретседател на Здружението на фармери во Шлезвиг-Холштајн, за дневниот весник Билд изјави дека лебот наскоро би можел да чини 10 евра.
Во исто време, министерката за земјоделство на Австрија, Елизабет Кестингер, очекува дека годинава ќе има целосно отсуство на работна сила од Украина за жетвата во Австрија.
Таа нагласи дека поради војната во Украина, Австрија не може да смета на земјоделска работна сила од таа земја. Затоа, посочува, се обидува да најде замена на Западен Балкан, пренесува BiznisTelegraf.
