Координативно Владино тело за поддршка и одржлив развој на Преспанскиот Регион во соработка со Делегацијата на Европската комисија во Скопје, ќе работи на реализација на проектите во Преспанскиот регион добиени преку ИПА 3 програмата „ЕУ за Преспа“.
Ваквата одлука, како што информира градоначалникот на Општина Ресен Живко Гошаревски, беше донесена на синоќешната Владина седница, а ќе овозможи координација и забрзување во реализацијата на проектите предвидени со студијата изработена од страна на консултантите од Европската унија за одржлив и економски развој на Преспа.
– По потпишувањето на Преспанскиот договор, беше утврдено дека Преспа е еден специфичен регион со две земји кандидатки и една членка на ЕУ. Како резултат на тоа со директна подршка од тогашниот комесар за проширување Јоханес Хан, беше донесена одлука да се направи студија, со која ќе се овозможи севкупен развој на Преспа. За таа намена двајца консултти од Унијата, шест месеци беа присутни на територија на Преспа, во Албанија, Грција и Македонија и направија прелиминарна студуја во која се опфатени повеќе теми од областа на инфраструктурата, екологијата и туризмот, појасни Гошаревски.
Општина Ресен, додаде градоначалникот, подготвила повеќе проекти од областа на инфраструктурата: изградба на пречистителни станици, канализации, водоводи, раздвој на туризмот со посебен акцент на еко и алтренативен туризам, заштита на жвитоната средина и земјоделието, односно овоштарството, како главна економска гранка во Преспа.
– Општина Ресен подготвени голем број проекти од овие области. Покрај со реализацијата на проектите, Координативното тело ќе координира околу центарот за дијалог што е планиран да се прави, на бреговите на Преспанското Езеро, во селото Долно Дупени, во близина на граничниот премин „Маркова нога” каде секоја година ќе се одржува Форум за Преспа, изјави Гошаревски.
Извор: МИА
