Владата ја донесе Уредбата за поблиските критериуми за директни плаќања, корисниците на средствата, максималните износи и начинот на директните плаќања за 2025 година
Подмерка 1.3 – Директни плаќања по обработливa земјоделска површина за градинарско производство на отворено и во пластеници
-Корисници на оваа подмерка се земјоделските стопанства кои имаат засеани и обрани површини со следниве градинарски култури: домати, пипер, лубеница, диња, тиква, грав, боранија, грашок, компир, краставици, корнишони, зелка, кељ, кромид, лук, праз, тиквички, зелена салата, брокула, спанаќ, карфиол, модар патлиџан, морков, целер, цвекло, пашканат,аспарагус и ротквици;
– Минимум засеана површина за сите култури е 0,2 ха збирно за сите култури;
– Висината на поддршката за домати, пипер, краставици, корнишони, зелка, грав, компир, карфиол, морков и изнесува 30.000 денари по хектар;
– Висината на поддршката за лубеница, диња, модар патлиџан, цвекло, тиква, кромид, боранија, грашок, кељ, лук, праз, тиквички, зелена салата, брокула, спанаќ, целер, пашканат, аспарагус и ротквици изнесува 12.000 денари по хектар и
-Висината на поддршката од алинеите 3 и 4 од оваа подмерка се намалува со зголемување на пријавените површини и тоа: од 0,2 ха до 10 ха 100%, од 10 ха до 50 ха 60%, од 50 ха до 100 ха 30% и над 100 ха 10% збирно за сите градинарски култури, домашен пазар или остварен извоз во период од 1 јануари до 15 мај 2025 година и се корисници од подмерка 1.3. на оваа уредба;
-Висината на дополнителните директни плаќања изнесува 120.000 денари по хектар;
-Висината на поддршката за оранжерии кои се загреваат е условена со минимални просечни приноси: домати 50.000 килограми по хектар, пиперки 30.000 килограми по хектар и краставици 80.000 килограми по хектар и
-Висината на поддршката за пластеници кои се загреваат е условена со минимални просечни приноси: домати 20.000 килограми по хектар, пиперки 15.000 килограми по хектар и краставици 32.000 килограми по хектар.
Подмерка 1.4 – Дополнителни директни плаќања за производство под контролирани услови на домати, пиперки и краставица во 2025 година
-Корисници на оваа подмерка се земјоделските стопанства производители на домати, пиперки и краставици во затворени простории за производство во контролирани услови и производството да е продадено на регистриран откупувач во период од 26 декември 2024 година до 25 декември 2025 година, вклучително и произведените градинарски култури за потребите на сопствениот преработувачки капацитет, запишани во Регистарот на откупувачи на земјоделски производи;
– Висината на директните плаќања изнесува 3 денари по килограм за сите градинарски култури освен за пиперката од сорта куртовска капија каде висината на директните плаќања изнесува 4 денари односно 5 денари по килограм за предадените количини во период мај-јуни 2025 година и и ноември-декември 2025 година и
-Максималните приноси на одделните градинарски култури по хектар за реализација на оваа подмерка се дадени во Прилог 4 кој е составен дел на оваа уредба
Крајниот рок за поднесување на барање за подмерка 1.4 е 31.мај. 2025 година.
Дополнителни директни плаќања од подмерка 1.3. за градинарски култури предадени во преработувачки капацитети е до 25 декември 2025 година.
Подмерка 1.5 – Дополнителни директни плаќања за градинарски култури предадени во преработувачки капацитети
-Корисници на оваа подмерка се сите земјоделски стопанства кои имаат засадени површини со градинарски култури и се корисници од подмерка 1.3. на оваа уредба, оствареното производство да е предадено во преработувачки капацитет за зеленчук директно или преку еден регистриран откупувач во период од 26 декември 2024 година до 25 декември 2025 година, вклучително и произведените градинарски култури за потребите на сопствениот преработувачки капацитет, запишани во Регистарот на откупувачи на земјоделски производи;
-Висината на директните плаќања изнесува 3 денари по килограм за сите градинарски култури освен за пиперката од сорта куртовска капија каде висината на директните плаќања изнесува 4 денари односно 5 денари по килограм за предадените количини во период мај-јуни 2025 година и ноември-декември 2025 година и
-Максималните приноси на одделните градинарски култури по хектар за реализација на оваа подмерка се дадени во Прилог 4 кој е составен дел на оваа уредба. Крајниот рок за поднесување на барање за подмерка 1.5. Дополнителни директни плаќања од подмерка 1.3. за градинарски култури предадени во преработувачки капацитети е до 25 декември 2025 година.
