Најбаран рецепт до сега e охридско макало и ќе се сложам дека ви го должам. Конечно најдов македонски лук, старо семе и решив да ви го подготвам на традиционален начин во толчник покрај охридско езеро. Јас правев само една доза со 1 главица лук, ама ако решите да го правите ви советувам да направите повеќе бидејки многу мака ќе вложите , зачувајте си во теглички да имате во фрижидер. Ви оставам мерки за 4 главици лук.
Состојки:
4 главици македонски лук
500 мл сончогледово масло
2 лажици сол
100 мл оцет
Лукот исецкајте го ситно и истолчете го со солта, да омекне. Потоа додавајте лажица по лажица од маслото со постојано толчење. Со толчењето правите емулзификација и добивате пенаста текстура. Кога ќе завршите со додавање на маслото, ќе ви треба околу 1 час постојано толчење, додадете ја киселината и се измешајте. Кога ќе ја додадете киселината макалото треба да обели и да добие воздушеста и кремаста структура.
Уживајте во видеото од нашиот преубав Охрид 
Фејсбук статус на Готвиме со Маја
