Волци кои слободно шетаат во малешевските ниви барајќи храна и засолниште од пожарите се само еден од примерите за огромната катастрофа што го снајде Малешевскиот регион.
Димче Беќарски од село Умлена кој утрово го забележа тоа вели дека по пожарите волците шетаат слободно и се закана за сточарите и за нивниот добиток.
„Волкот го забележав утрово додека собирав „јонџа“. Стоеше мирно, бараше правец кон кој може да се упати. Синоќа татко ми забележал уште два волка во близина на селото. По пожарите веројатно бараат каде да се скријат, но поради оголените дрвја сега немаат каде“, рече Беќарски.
„Сточарите треба да направат сѐ за да го заштитат добитокот, бидејќи волците се подготвени да нападнат, а со тоа и да направат голема штета, додаде Беќарски.
МИА
