Тревис Гингер, наставник по Земјоделство од американската сојузна држава Минесота, одгледал тиква тешка тон и 121 килограм. Тој победи на натпреварот којшто секоја година се одржува во Калифорнија.
Американските медиуми известуваат дека 51. Светско првенство во тиква се одржало во заливот Халф Мун, јужно од Сан Франциско. Учествувале земјоделци и одгледувачи од различни делови на земјата, пренесува „Коустсајд њуз“ (Coastside News).
Победникот изјави дека годинава се сосредоточил на „здрава почва“, но и овогодишната дождлива и студена есен можеби влијаела на растењето на тиквите.
За Гингер, ова е четврта победа во ова натпреварување.
МИА
